الحما( أم الزوج) بقت عامله زى الراديو عامله دوشه عمال على
بطال ودايما بتتكلم عالفاضى والمليان .. وكما قيل الحما
حمى … من قديم الازل والحما ليها شنه ورنه وكلمتها
مهمه بس ده بالنسبه للزوج طبعا لكن الزوجه كلمه
الحمابالنسبه ليها ولا كأنها اتقالت اصلا
أغلب كلام الحما عند الزوجه ملوش اى لزمه والزوجه بتشوف ان الحما بتتعب نفسها وهى بتقوله وخلاص لكن على ارض الواقع استحاله يتنفذ كلام الحما وان اتنفذ بيبقى بعد رجاء الزوج للزوجه انها متعملش مشاكل فبتطنش الزوجه وتمشى كلمه حماتها
تلاقى الزوجه رايحه لحماتها فى يوم وبتكلم صاحبتها فصاحبتها تقولها رايحه فين انهارده؟
تقولهارايحه عند العقربه...حماتى ...والجميل ان الحما لقبت
بأسماء كتير اوى زى:العقربه،ام اربعه واربعين،ام أوىء وغيرها كتيييير ،وده بالنسبه للزوجه طبعا
أما الحما بقى فدايما مش عاجبها العجب ولا الصيام فى رجب ودايما لو الزوج راحلها مثلا يتغدى عندها لوحده تفضل تسأله اما فين المعدوله مراتك؟مجتش تتغدى عندى ليه معاك؟
ومهما الزوج شرح الاسباب انها تعبانه أو أى مصيبه حاصله ليها لازم الحما تفضل تقول:ولا مراتك مجتش عشان مش مستنضفه أكلى وتعبانه مالها بقى اصماله بتموت يعنى البعيده؟مكانت تيجى معاك
يقولها ياماما بقولك تعباااااانه ،تقوم أمه تقوله تعبانه أاااااه منا واخده بالى تلاقيها اتخانقت معاك وطفشتك من البيت اوعى تكون يا واد منكده عليك ياواد اديها على دماغها على طول دول ميجوش الا بالجزمه وكأن الست والدته دى مش ست مثلا
وزى ما الحما ليها القاب كتير عند الزوجه ،الزوجه كمان ليها القاب كتير عند الحما زى: المعدوله ،البعيده والمايله وغيرها كتيير برده
اللى بيحصل ده بيحصل لأن الزوجه مبتحبش حد يتدخل فحياتها والحما بتحشر مناخيرهافى كل حاجه بلا استثناء…يعنى مثلا لو الحمل اتأخر شويه تلاقى الحما متصله بابنها تقوله:بقولك ياحبيبى أنا جيالكم انهارده يقولها تنورى يا ماما :تلاقيها جايه وعلى
وشها ابتسامه كبييييره وهى بتبوس مرات ابنها وبتاخدها بالحضن وفجأه تجيب سيره أى موضوع ليه علاقه بالأطفال وتروح راميه كلمتين دبش كده من تحت لتحت زى:عقبالك ياحبيبى مشوف ولادك وتبص بخبث كده لمراته
و الكلام اللى اتقال لو حد فكر يلومها عليه تقول :هو أنا هحسس عالكلام يابنى قبل مقوله كمان ولا اللى على راسه بطحه؟
ومراته تفضل تهرى وتنكت فنفسها وتفضل تقوله شايف أمك بتلقح بالكلام عليا ازاى ؟ويكون رده :ياحبيبتى هى قالت ايه بس؟
تقوله متحرقش دمى كانت بتقصدنى بكلمه عقبال مشوف ولادك فيبصلها الزوج باستغراب ويقولها متبقيش حساسه مكانتش تقصد دى أمى وأنا عارفها، والكلام يخلى الزوجه تتنرفز اكتر وتبقى ليله منيله بنيله مطلعلهاش نهار واليوم ميعديش الا بخناقه كبيره
وبدل مكانوا مستنيين حمل تقلب بطلاق…وهكذا …ميفهمش
الست غير الست …وميفهمش الحما الا مرات ابنها ….وتفضل
المعارك الداميه بين الحما ومرات ابنها مستمره حتى نهايه الحياه
بطال ودايما بتتكلم عالفاضى والمليان .. وكما قيل الحما
حمى … من قديم الازل والحما ليها شنه ورنه وكلمتها
مهمه بس ده بالنسبه للزوج طبعا لكن الزوجه كلمه
الحمابالنسبه ليها ولا كأنها اتقالت اصلا
أغلب كلام الحما عند الزوجه ملوش اى لزمه والزوجه بتشوف ان الحما بتتعب نفسها وهى بتقوله وخلاص لكن على ارض الواقع استحاله يتنفذ كلام الحما وان اتنفذ بيبقى بعد رجاء الزوج للزوجه انها متعملش مشاكل فبتطنش الزوجه وتمشى كلمه حماتها
تلاقى الزوجه رايحه لحماتها فى يوم وبتكلم صاحبتها فصاحبتها تقولها رايحه فين انهارده؟
تقولهارايحه عند العقربه...حماتى ...والجميل ان الحما لقبت
بأسماء كتير اوى زى:العقربه،ام اربعه واربعين،ام أوىء وغيرها كتيييير ،وده بالنسبه للزوجه طبعا
أما الحما بقى فدايما مش عاجبها العجب ولا الصيام فى رجب ودايما لو الزوج راحلها مثلا يتغدى عندها لوحده تفضل تسأله اما فين المعدوله مراتك؟مجتش تتغدى عندى ليه معاك؟
ومهما الزوج شرح الاسباب انها تعبانه أو أى مصيبه حاصله ليها لازم الحما تفضل تقول:ولا مراتك مجتش عشان مش مستنضفه أكلى وتعبانه مالها بقى اصماله بتموت يعنى البعيده؟مكانت تيجى معاك
يقولها ياماما بقولك تعباااااانه ،تقوم أمه تقوله تعبانه أاااااه منا واخده بالى تلاقيها اتخانقت معاك وطفشتك من البيت اوعى تكون يا واد منكده عليك ياواد اديها على دماغها على طول دول ميجوش الا بالجزمه وكأن الست والدته دى مش ست مثلا
وزى ما الحما ليها القاب كتير عند الزوجه ،الزوجه كمان ليها القاب كتير عند الحما زى: المعدوله ،البعيده والمايله وغيرها كتيير برده
اللى بيحصل ده بيحصل لأن الزوجه مبتحبش حد يتدخل فحياتها والحما بتحشر مناخيرهافى كل حاجه بلا استثناء…يعنى مثلا لو الحمل اتأخر شويه تلاقى الحما متصله بابنها تقوله:بقولك ياحبيبى أنا جيالكم انهارده يقولها تنورى يا ماما :تلاقيها جايه وعلى
وشها ابتسامه كبييييره وهى بتبوس مرات ابنها وبتاخدها بالحضن وفجأه تجيب سيره أى موضوع ليه علاقه بالأطفال وتروح راميه كلمتين دبش كده من تحت لتحت زى:عقبالك ياحبيبى مشوف ولادك وتبص بخبث كده لمراته
و الكلام اللى اتقال لو حد فكر يلومها عليه تقول :هو أنا هحسس عالكلام يابنى قبل مقوله كمان ولا اللى على راسه بطحه؟
ومراته تفضل تهرى وتنكت فنفسها وتفضل تقوله شايف أمك بتلقح بالكلام عليا ازاى ؟ويكون رده :ياحبيبتى هى قالت ايه بس؟
تقوله متحرقش دمى كانت بتقصدنى بكلمه عقبال مشوف ولادك فيبصلها الزوج باستغراب ويقولها متبقيش حساسه مكانتش تقصد دى أمى وأنا عارفها، والكلام يخلى الزوجه تتنرفز اكتر وتبقى ليله منيله بنيله مطلعلهاش نهار واليوم ميعديش الا بخناقه كبيره
وبدل مكانوا مستنيين حمل تقلب بطلاق…وهكذا …ميفهمش
الست غير الست …وميفهمش الحما الا مرات ابنها ….وتفضل
المعارك الداميه بين الحما ومرات ابنها مستمره حتى نهايه الحياه
هناك 4 تعليقات:
هي مو رايحة غير على هالرجال ..عريس الهنا ..حلو الموضوع ..تحياتي
مساء الخير موسى
شكرا لمرورك الراقى
أرق تحياتى
صباحكِ طيبة روزا
وموضوع رائع وجميل كعادة قلمكم
الراقي حينما يتحدث فعلاً عما يحصل
بمجتمعاتنا وبنا
دمتم بكل خير
صباح الياسمين ريان
للأسف ياريان مشكله الحما مع مرات ابنها
هتفضل مشكله أزليه طول الحياه
عمرهم ماهيطيقوا بعض وان وجد بعض
الزوجات والحموات اللى علاقتهم زى
السمنه على عسل بس تقدر تقول نسبه
قليله جدا
صباحك فل
إرسال تعليق